Әдеп жөніндегі уәкіл – қызметтік әдеп нормаларының сақталуын және мемлекеттік қызмет, сыбайлас жемқорлыққа қарсы іс-қимыл туралы заңнама мен Қазақстан Республикасы мемлекеттік қызметшілерінің әдеп кодексін бұзушылықтардың профилактикасын қамтамасыз ету қызметін жүзеге асыратын, сондай-ақ өз функциялары шегінде мемлекеттік қызметшілер мен азаматтарға консультация беретін мемлекеттік қызметші.     Әдеп жөніндегі уәкіл өз қызметінде "Қазақстан Республикасының мемлекеттік қызметі туралы" 2015 жылғы 23 қарашадағы, "Сыбайлас жемқорлыққа қарсы іс-қимыл туралы" 2015 жылғы 18 қарашадағы Қазақстан Республикасының заңдарын, Әдеп кодексін, осы Ережені, сондай-ақ Қазақстан Республикасының өзге де заңнамалық актілерін басшылыққа алады.

Индустрияландыру бағдарламасы аясында елімізде агроөнеркәсіптік кешенді дамытуға басымдық берілгені белгілі. Бұл саланың экономикадағы орны ерекше және мемлекеттің бәсекеге қабілетті арттыруға әрі халықтың әл-ауқатың одан әрі жақсартуға зор пайдасын тигізе алады. Сондықтан да мемлекет экономиканың тұрақты өсіміне сүбелі үлес қоса алатын салаға, сонғы жылдары жүйелі қолдау көрсетуде. Әсіресе, мал шаруашылығын өркендетуге айрықша көңіл бөліне бастады. Жалпы, етті мал шаруашылығын дамыту жөніндегі жобалардың бірі - республикамыздағы өнімді көп беретін асыл тұқымды мал басын ұлғайту болса, екіншісі - етімізді көрші нарықтарға шығару.

Облыс бойынша 2018 жылы аса қауіпті итальян шегірткесіне қарсы  өңдеу жұмыстары 166,71 мың га аумаққа жоспарланған болатын. Итальяндық шегірткелерге қарсы болжанған көлемнен артық шығуына байланысты химиялық өңдеу шаралары 176,71 мың га аумаққа көбейді.

Қазіргі уақытта жеміс-жидек және көкөніс өнімдерінің маусымы кезеңіне байланысты ҚР Ауыл шаруашылығы министрлігі агроөнеркәсіптік кешендегі мемлекеттік инспекция комитетінің Сырым аудандық аумақтық инспекциясы жергілікті тұрғындарды қырағы болып, өлкемізге қауын шыбыны сияқты зиянкес жәндіктерден келетін қауіптен сақтық шараларын сақтауды  сұрайды.

Сыбайлас жемқорлық ел экономикасының дамуына үлкен кедергі келтіріп отырған қоғамның ең басты қауіп - қатерлерінің бірі. 2018 жылғы 15 тамыз күні Қазақстан Республикасы Ауыл шаруашылығы министрлігі Агроөнеркәсіптік кешендегі мемлекеттік инспекция комитетінің Сырым аудандық аумақтық инспекциясында «Сыбайлас жемқорлық – қоғам дерті» атты семинар ұйымдастырылып, аталған басқосуда инспекцияның жауапты мамандары А.Кенесова және Т.Габбасов жең ұшынан жалғасқан жемқорлыққа қарсы күрес шаралар туралы түсінік беріп өтті.

Өткен аптада Батыс Қазақстан облысы әкімінің бірінші орынбасары И.Стексовтың төрағалығымен Орал қаласы аумағында белгіленбеген орындарда заңсыз сауда орындарын жою мәселесі туралы кеңес отырысы өткізілді. Жиынға Қазақстан Республикасы АШМ Агроөнеркәсіптік кешендегі мемлекеттік инспекция комитетінің Батыс Қазақстан облыстық аумақтық инспекциясы, Ауыл шаруашылығы министрлігі ветеринариялық бақылау және қадағалау комитетінің Батыс Қазақстан облыстық аумақтық инспекциясы, Батыс Қазақстан облысының  ауыл шаруашылығы басқармасы, Батыс Қазақстан облысының кәсіпкерлік және индустриалдық-инновациялық даму басқармасы, БҚО тұтынушылардың құқығын қорғау басқармасы, Батыс Қазақстан облысының  ветеринария басқармасы, Батыс Қазақстан облысының  көліктік бақылау инспекциясы, Орал қаласының кәсіпкерлік бөлімі, Орал қалалық Қоғамдық денсаулық сақтау басқармасының басшылары қатынасты.

Ағымдағы жылғы 8 тамызда ҚР Ауыл шаруашылығы министрлігі агроөнеркәсіптік кешендегі мемлекеттік инспекция комитетінің Сырым аудандық аумақтық инспекциясының жауапты мамандары Сырым АІІБ жергілікті полиция қызметінің учаскелік полиция инспекторларымен бірлесіп, аудан орталығындағы жеке кәсіпкер арасында ҚР-ның «Өсімдіктер карантині туралы» Заңы және карантинге жатқызылатын өнімдерді өткізу және тасымалдау барысында тиісті құжаттардың міндетті түрде болуы қажеттігі жөнінде түсінік жұмыстарын жүргізіп, қоғамдық орындарда ақпараттық xабарламалар мен жаднамалар орнатты.